valores

now browsing by tag

 
 

Razóns para que todos os nenos e nenas practiquen deporte

Cantas razóns pode haber para que os nenos e nenas practiquen algún deporte? Moitísimas! E bo para a súa saúde, aprenden importantes valores, fan novos amigos… Sergio Lorenzo Jiménez Saiz, director do Máster Universitario en Adestramento e Nutrición Deportiva da Escola Universitaria Real Madrid – Universidade Europea, explica nun artigo publicado recentemente por AS algúns dos seus beneficios.

O experto destaca que a idade ideal para comezar é a partir dos seis anos, pero antes xa poden realizar actividades que sexan divertidas. “O máis importante, en idades temperás, é que fagan actividade física, exercicio físico para o desenvolvemento harmónico, integral e corporal do neno. Isto desenvolve, non só o seu apartado físico, senón tamén o seu desenvolvemento social, intelectual, visual, coordinativo, etc.”, asegura.

Entre os valores que subliña Jiménez están a disciplina, a esixencia, a cultura do erro, gañar e perder como parte do deporte, respecto ás normas e ao rival, pertenza a un grupo, sentimento de pertenza, etc.

Pero é que ademais, o deporte e a actividade física sirven tamén como aliados da integración. As investigacións sobre o exercicio físico levadas a cabo pola Cidade Accesible e HandiSports Servizos Deportivos Adaptados entre outras moitas organizacións, demostraron que o deporte axuda a diminuír niveis de tensións, aumenta as habilidades motoras básicas, axuda tanto ao desenvolvemento individual -disciplina, confianza nun mesmo e responsabilidade-, como ao desenvolvemento en habilidades sociais -comunicación, compañeirismo e traballo en equipo-, mellorando a concepción holística do ser humano.

Por iso estas dúas entidades de Granada acaban de crear un novo curso académico pioneiro en inclusión e igualdade de oportunidades para todas as persoas a través da práctica deportiva cun monográfico exclusivo de actividade física, deporte e autismo. O obxectivo é dotar aos profesionais e futuros profesionais das ferramentas necesarias para a correcta programación e intervención de actividade física e deportiva orientada a persas con trastorno do espectro autista.

 

Pequenos xogadores dan unha lección contra a violencia no fútbol base aos seus pais

Como sabedes, na Escola Deportiva Santiago defendemos o xogo limpo e os valores que aporta o deporte aos nenos e nenas. Nesta ocasión, queremos contarvos unha historia que se converteu en toda unha lección contra a violencia no fútbol base. E non partiu dos adultos, senón dos pequenos xogadores. Isto foi o que sucedeu.

Fin de semana do 4 e 5 de marzo. Dous equipos de Valencia, de categoría ‘querubín’ (nenos de 5 anos de idade), Paterna CF e Torrent CF, disputan un partido no que o pai dun dos pequenos actúa como árbitro. Cara o final, sinalou un penalti que propiciou un escándolo sobre o céspede, unha pelaxa que podedes en vídeo premendo aquí.

Que fixeron os clubes? Para empezar, reunirse cos pais para explicarlles a mala imaxe que deron diante dos seus fillos. Tamén traballaron en concienciar a grandes e pequenos na importancia de respectar ao contrario. E, no caso do Torrent CF, elaboraron un cartaz coa sinatura de todos os nenos do equipo no que se pode ler ‘fair play’ (xogo limpo) e que ensinaron no seu seguinte encontro. Bravo por eles! E polos clubes, por non deixar a situación pasar.

 

Seis momentos do 2016 que nos ensinan moito sobre os valores do deporte

Unha vez máis queremos falarvos dos valores no deporte. Facémolo desta vez compartindo convosco os seis momentos deportivos do ano 2016 nomeados aos Premios Laureus. Podedes velos e votar por eles premendo aquí.

Os Laureus World Sports Awards rinden homenaxe aos grandes homes e mulleres deportistas en diferentes categorías. Este ano, ademais, entregarán este premio ao momento deportivo do ano escollido a través dunha enquisa mundial online. Estes momentos miran máis aló dos resultados, simbolizando os verdadeiros valores do deporte. Os seis candidatos son:

XOGO LIMPO – 5 de xaneiro:

Na Copa Hopman de Perth, Australia, o xogador de tenis estadounidense Jack Sock, gañando 5:4 e 0-30, aconsella ao seu oponente australiano Lleyton Hewitt que faga ‘challenge’ e desafíe a decisión dun árbitro. Hewitt pediu unha revisión e a xogada deuse por boa. Hewitt gañou o partido 7-5, 6-4.

MÁXICO – 5 de xullo:

“HUH”. O equipo nacional de futbol islandés é recibido por unha gran multitude en Reykjavik, capital do país, cando regresan da Eurocopa 2016, onde lograron chegar a cuartos de final.

CONMOVEDOR – 10 de xullo:

Un neno portugués consola a un home francés despois de que Francia perdera a final da Eurocopa 2016 en París contra Portugal.

DEPORTIVIDADE – 16 de agosto:

Nikki Hamblin e Abbey D’Agostino demostran o que é o “espírito olímpico” na carreira de calificación para os 5.000 metros.

EXTRAORDINARIO – 31 de agosto:

O equipo de menos de 12 anos do Barcelona consola as seus rivais xaponeses tras vencerles por 1-0 na final del Junior Soccer World Challenge.

DRAMA – 19 de setembro:

O británico Jonny Brownlee, agotado, necesitou ser axudado casi na meta polo seu irmán Alistair na Series do Triathlon Mundial en Cozumel, México.

O que fai grande a un deportista son os seus valores

En moitas ocasións falámosvos neste blog dos valores que aprenden os pequechos practicando deporte (podedes lelo premendo aquí, aquí e aquí) tales como compañeirismo, esforzo, traballo en equipo, respecto… Una vez máis queremos incidir nesta cuestión que tanto defendemos na Escola Deportiva Santiago, amosándovos este vídeo da marca de material deportivo arxentina-brasileira Topper. Dádelle ao play! 😉

Katja Cardol: “O esencial é que co deporte os nenos adquiran valores e habilidades que lles sirvan o resto das súas vidas”

Katja Cardol é unha psicóloga deportiva holandesa que desde hai un tempo vén colaborando coa Escola Deportiva Santiago. As prácticas dun máster trouxéronna a Compostela, en concreto ao Centro Libredón, en setembro do ano pasado. “Gustáronme tanto que quedei traballando na Unidade de Psicoloxía e Coaching Deportivo, a UPCD-Libredón”, explica. Ademais, tamén axuda a un equipo de baloncesto da Liga Feminina 2 e á selección española feminina de hockey subacuático, entre outros.

De que maneira colaboras coa Escola Deportiva Santiago?
Desde esta tempada estou a traballar os luns e mércores nos adestramentos de fútbol sala. Boto unha man aos adestradores, Amanda, Iago e Brais, a planificar os entrenos dinámicos e variados. Xuntos elaboramos e imos conseguindo obxectivos enfocados a que os nenos e as nenas sempre sigan aprendendo, desenvolvéndose e gozando. Tamén engadimos aspectos mentais aos exercicios e xogos, por exemplo estamos a mellorar moito na comunicación na pista, a concentración e atención, e a autoconfianza de cada un para poder xogar divertíndose e progresando. Ah, e se escoitades a un neno ou unha nena falando en holandés, non é a miña culpa!

Desde o teu punto de vista, como debe ser o traballo do adestrador?
O adestrador no deporte de iniciación ten o papel de educador. Por iso, é importante que transmita valores e normas, que se comunique en positivo, e que reforce non só o resultado, senón tamén e sobre todo o esforzo realizado. Os nenos fan deporte para divertirse, estar con amigos, desenvolverse, etc. de maneira saudable. Gañar non é o máis importante – se o pensas, poucos nenos deportistas chegarán a ser profesionais. O esencial é que facendo deporte adquiran valores e habilidades que lles van a servir no resto das súas vidas, dentro e fóra do deporte. Por iso é tan conveniente centrarse en condutas e exercicios que pauten a aprendizaxe e o desenvolvemento.

E dos pais e nais? Como poden axudar aos seus fillos?
Como os fillos son os tesouros dos pais, os pais son importantísimos para os fillos. Sen chegar a ser protagonista, poden apoiar moito tanto en situacións pre-, durante e post-competición como en adestramentos a través do seu comportamento e actitude. Poden influír positivamente nos nenos transmitindo seguridade e confianza, promocionando obxectivos que non teñan que ver con gañar – como a autosuperación e a melloría de habilidades – e aceptando os valores do club. Nunca deben meterse no papel do adestrador, para non xerar confusión e nervios nos críos. Unha derrota? Os pais están alí para escoitar e apoiar aos seus fillos, para destacar as cousas positivas que fixeron, e para motivalos a seguir mellorando e gozando co fútbol.

Katja facendo un xogo na Festa do Entroido da Escola Deportiva Santiago.

Katja facendo un xogo na Festa do Entroido da Escola Deportiva Santiago.

Que destacarías dos nenos e nenas que forman actualmente parte da Escola?
Son uns cracks! Tanto nos partidos como nos adestramentos vexo moitos sorrisos, compañeirismo, e están sempre dispostos a aprender. Aínda que haxa diferenzas de idades, sexo e personalidades nos grupos, sempre inclúen a todos e todas. Un deporte de equipo non sempre implica que haxa traballo en equipo, con todo, na Escola seguramente si o implica. É algo moi bo e unha característica que lles axudará tamén fóra do fútbol, como no colexio, e no futuro.

Tamén colaboras cos Campus que organiza a Escola, de que maneira?
Si, estarei a traballar no Campus Polideportivo de Semana Santa. Alí colaborarei como unha monitora máis, aínda que seguramente incorpore algún aspecto ou xogo mental nas actividades, para xogando ter sempre en conta esta parte tan importante do deporte. Xa me veredes por alí!

Por que é importante a figura do psicólogo dentro dunha entidade deportiva?
Valores, obxectivos, esforzo, concentración, autoestima, cohesión de equipo, control de nervios, desenvolvemento persoal, comunicación, compañeirismo, liderazgo, os papeis adecuados de cada un no ‘pentágono da iniciación deportiva’ (nenos, adestradores, pais, directivos, árbitros), manexo de emocións, aceptación de fracasos, compatibilidade estudos-deporte, autocontrol, positivismo, respecto, compromiso… Teño que seguir? Son todos aspectos que teñen que ver coa psicoloxía, que desgraciadamente moita xente da por sentado, pero que si se pode e deberíase traballar e mellorar. O psicólogo deportivo está para apoiar a mellorar e a crecer, pode ser a través de acompañamento de adestradores, seguimento de equipos, apoio individual a deportistas, formación para directivos, adestradores, árbitros e pais, etc., sempre adaptándose ás necesidades do club. Tanto como na parte técnica, táctica e física, como na parte mental é fundamental no deporte.

Que é para ti o deporte?
O deporte é parte integral da vida. O deporte é para todos e todas, de calquera idade, nivel, sexo ou raza, e é moi beneficioso ao nivel social, físico, mental. No deporte, pódese escapar de dificultades, centrarse en retos e divertirse, e sobre todo o deporte é unha escola na que se aprenden valores da vida e na que nos podemos autodesafíar, autosuperar e desenvolver sempre.

Un consello para os pequechos…
Gozade e crede en vós mesmos e nos vosos compañeiros!

…e para os non tan peques?
Poñédevos no lugar dos nenos e as nenas, apoiádeos, potenciade valores e aprendizaxe, destacade destrezas e dade exemplo. E, por último, un moi sinxelo: gozade!

Adestrar e estudar, incompatibles? Mentira!

Xa estamos en plenas vacacións de verán pero en só dous meses tocará volver ao cole, a estudar e a formarse con distintas actividades extraescolares. E que pasa cos nenos e nenas que teñen máis dificultades cos libros? Deberían deixar, por exemplo, o deporte para centrarse nos seus estudos? A resposta atopámola no blog do adestrador Rafa Martínez Gallego.

Neste artigo que podes ler por completo premendo nesta ligazón asegura que abandonar os adestramentos co obxectivo de acadar un maior rendemento académico é unha gran mentira. Segundo a súa experiencia e de moitos outros compañeiros, a porcentaxe de nenos que melloran na escola tras deixar o deporte é baixísimo. Por que se fai entón? Segundo Martínez a principal razón é utilizalo como castigo. Pero se pregunta: e non sería mellor restrinxirlles outras actividades menos beneficiosas como o abuso da televisión ou dos videoxogos? E é que  o deporte, recorda, fomenta valores como o compromiso, a disciplina ou a responsabilidade.

Ademais, o adestrador apunta a dous estudos científicos que indican que gracias ao deporte os nenos e nenas melloran a súa memoria. Por que? Porque a actividade física favorece a aparición no cerebro dunha proteíña chamada BDNF que está relacionada directamente cos procesos de aprendizaxe. Explícao neste texto.

LER MÁIS:

– De que serve castigar o teu fillo sen adestrar ou xogar un partido? 

O deporte: Modelo de educación en valores se sabemos como facelo

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR