tecnificación

now browsing by tag

 
 

Chega o III Campus ETC e o II Torneo Memorial Antonio Bermúdez

Xa temos todo listo para a próxima edición do III Campus ETC (Ensino Técnico Competicional) que organiza a Escola Deportiva Santiago, en colaboración co Concello de Santiago, a Deputación de A Coruña, o colexio Compañía de María e Gadis.

Este ano o Campus desenvolverase do 26 ao 30 de xuño en horario de 10:00 a 14:00 horas. Ofrecemos dúas posibilidades:

  • Campus de Tecnificación en Fútbol, que se celebrará no campo de fútbol e pavillón de Santa Isabel para nenos e nenas de 4 a 14 anos de idade.
  • Campus de Tecnificación en Baloncesto, que se celebrará no pavillón Lorenzo de la Torre para rapaces e rapazas de 8 a 17 anos de idade.

Actividades complementarias
O sábado 1 de xullo terá lugar no campo de fútbol de Villestro o II Torneo Memorial Antonio Bermúdez, co que homenaxearemos unha vez máis ao coñecido xornalista compostelán falecido o ano pasado. Neste torneo participarán os equipos da Escola Deportiva Santiago, SD Villestro, Atlético Fátima, RC Celta de Vigo e unha selección de xogadores do Campus ETC. Ademais, ofrecerase unha master class sobre regulamento deportivo.

Inscricións
Todos os nenos e nenas que participen no Campus terán un seguro de accidentes deportivos e recibirán unha equipación de agasallo. Pódense inscribir de xeito individual ou por equipos. Estes son os prezos:

  • Prezo por inscrición individual: 90 €
  • Prezo por neno/a para equipo de 3 xogadores/as: 80 €
  • Prezo por neno/a para equipo de 5 xogadores/as: 65 €
  • Prezo para dous irmáns (cada irmán): 80 €
  • Prezo para familias numerosas (cada irmán): 80 €
  • Servizo de acollida ás 9:30 horas: 5 €

Os interesados en apuntarse xa poden facelo cubrindo o seguinte formulario online. Para calquera dúbida, poden dirixirse aos teléfonos 697 408 573 – 607 581 541 ou escribir a escolasantiagocf@gmail.com

Rematan dúas semanas de campus de tecnificación en fútbol e baloncesto en Santiago

Máis de 50 nenos e nenas de entre 4 e 14 anos de idade participaron nestas dúas últimas semanas en Santiago nos Campus de Tecnificación en Fútbol e Baloncesto que organizou a Escola Deportiva Santiago, en colaboración coa Deputación de A Coruña, o Concello de Santiago e as entidades privadas Expert, Area Central, Gadis, Feiraco e Coca Cola.

Os pequenos, divididos por grupos de idades, puideron mellorar tanto o seu xogo individual como o colectivo, traballando os fundamentos técnicos e tácticos destes deportes. Aquí tendes algunhas fotografías pero se queredes ver algunhas máis podedes facelo premendo neste enlace.

As actividades desenvolvéronse no estadio e no pavillón de Santa Isabel. Nunha das xornadas os nenos recibiron a visita das madriñas dos campus, as futbolistas Sheila Fernández e Nuria Rábano, gañadoras dos Premios Expert como deportistas máis destacadas e con maior proxección da comarca compostelá.

Foron dúas semanas de traballo pero tamén de diversión e aprendizaxe que esperamos repetir nas nosas seguintes propostas de Campus. Como resumo, deixámosvos o seguinte vídeo:

Sheila Fernández e Nuria Rábano recolleron os seus Premios Expert como mellores xogadoras compostelás

As xogadoras de fútbol Sheila Fernández, porteira de El Olivo, e Nuria Rábano, cadete do Milladoiro SD, recolleron hoxe os Premios Expert que as catalogan como a futbolista máis destacada e a que ten maior proxección da comarca compostelá, respectivamente.

As rapazas recibiron os seus agasallos da man de David López, xerente da plataforma Expert, empresa patrocinadora destes Premios. Ao acto, que se celebrou no estadio de Santa Isabel, tamén acudiu o presidente da Escola Deportiva Santiago, Santiago Araújo.

Premios Expert 2014

Nuria e Sheila (no centro) con algúns dos nenos e os monitores que están a participar nos Campus de Tecnificación en Fútbol e Baloncesto

As gañadoras exerceron de madriñas dos Campus de Tecnificación en Fútbol e Baloncesto que se están a celebrar desde o pasado luns en Santa Isabel, organizados pola Escola Deportiva Santiago en colaboración coa Deputación de A Coruña, o concello de Santiago e as entidades privadas Expert, Area Central, Gadisa, Coca Cola e Feiraco. Sheila e Nuria responderon ás preguntas dos nenos e nenas e aproveitaron para darlles algúns consellos sobre o terreo de xogo.

Premios Expert 2014

David López entregando o agasallo a Sheila.

Premios Expert 2014

Nuria recollendo o seu premio.

Nesta edición tamén resultou gañador o xogador do Eibar, Jota Peleteiro, Premio Expert ao futbolista máis destacado da comarca compostelá 2013-2014 en categoría masculina, aínda que non puido asistir a este acto. A  categoría de mellor adestrador/a da base quedou deserta.

Un comité de expertos, formado por membros da Federación Galega de Fútbol, da Escola Deportiva Santiago e xornalistas deportivos, foi o encargado de escoller a estes gañadores. Con estes premios, de carácter anual, preténdese poñer en valor o traballo que están a realizar os clubes da delegación santiaguesa da Federación Galega de Fútbol, xa que só poden optar a eles aqueles xogadores que se formaron ou se están a formar nestas entidades. Na pasada edición os gañadores foron o xogador do Deportivo Pablo Insua e o adestrador de fútbol base Víctor Santos.

A Escola Deportiva Santiago presentou aos gañadores dos Premios Expert e padriños dos seus Campus de Tecnificación

A Escola Deportiva Santiago presentou hoxe nunha rolda de prensa en Area Central aos padriños dos Campus de Tecnificación en Fútbol e Baloncesto que organiza este verán en colaboración coa Deputación de A Coruña, os concellos de Santiago e Rois e as entidades privadas Expert, Area Central, Gadisa, Coca Cola e Feiraco.

Neste acto estiveron presentes o presidente e o secretario da Escola, Santiago Araújo e Xosé Manuel Lobato, respectivamente; o delegado de Santiago da Federación Galega de Fútbol, Enrique Fernández; e o xornalista Antonio Bermúdez. Todos eles formaron parte do xurado que escolleu aos gañadores da segunda edición dos premios que outorga anualmente esta entidade. Neste comité participaron ademais os xornalistas José Luis Iglesias (El Correo Gallego), Alberto González (Radiovoz) e Javier Iglesias (Radio Obradoiro). Na rolda de prensa tamén interviu o xerente da plataforma Expert, David López, empresa patrocinadora destes galardóns, quen destacou o apoio ao fútbol base que fan desde a súa compañía.

Santiago Araújo asegurou que con estes premios a Escola pretende “recoñecer o labor que fan os clubs da Federación de Fútbol de Santiago e que, ás veces, non están suficientemente representados”. Outro dos membros do xurado, o xornalista Antonio Bermúdez, explicou que para escoller aos gañadores valoraron “a proxección, o mérito deportivo, o esforzo e o traballo”.

mesa_rp_22

A rolda de prensa celebrouse no centro comercial Area Central.

Nesta ocasión, os vencedores resultaron ser o xogador do Eibar Jota Peleteiro, Premio Expert ao futbolista máis destacado da comarca compostelá 2013-14, en categoría masculina; a porteira do El Olivo Sheila Fernández, en categoría feminina; e a cadete do Milladoiro SD Nuria Rábano, Premio Expert ao futbolista con maior proxección da comarca compostelá. A  categoría de mellor adestrador/a da base quedou deserta.

Aínda que estaba prevista a presenza dos tres nesta rolda de prensa, un asunto familiar de última hora impediulle acudir a Jota Peleteiro. Si que o fixeron as dúas rapazas, ambas moi orgullosas de recibir este premio. “Quero agradecerllo ao xurado, á miña familia e amigos que sempre estiveron alí; e ao meu equipo pola súa confianza”, sinalou Sheila.

Os galardoados asistirán a unha das quendas dos Campus de Tecnificación para dar consellos aos participantes e recollerán alí os seus premios donados por Expert. “Acudirei con moita alegría para que os nenos o pasen ben e saiban un pouco máis do que fumos pasando nós todos estes anos no mundo do fútbol”, comentou Nuria.

Arrancan os Campus de Tecnificación en Fútbol e Baloncesto

O pavillón e o estadio de Santa Isabel acollerán desde este luns, 23 de xuño, a primeira quenda dos Campus de Tecnificación en Fútbol que organiza a Escola Deportiva Santiago este verán. Ademais, e como novidade desta edición, celebrarase simultáneamente un Campus de Tecnificación en Baloncesto impartido polos monitores do Compañía de María.

Dirixidos a xóvenes futbolistas e baloncestistas de entre 4 e 14 anos de idade, preténdese ofrecer unha alternativa pioneira e diferenciada dentro da formación deportiva que hai nos clubes. Así, os participantes levarán a cabo un traballo metódico e pormenorizado daqueles fundamentos técnicos e tácticos (recibir, pasar, tirar, desprazamentos, transcións, etc.) que non dominen ou que teñan necesidade de repetir.

Esta primeira quenda celebrarase os días 23, 25, 26, 27 e 28 de xuño (non haberá Campus o martes 24 por ser festivo). A seguinte semana, do 30 de xuño ao 4 de xullo, celebrarase a segunda quenda, pero só de fútbol. Neste caso, todavía quedan algunhas prazas libres. Os pais dispoñen de diferentes prezos e descontos para poder anotar aos seus fillos/as e que poden consultar premendo neste enlace. Para calquera dúbida, pode chamarse ao teléfono 697 408 573 ou escribir ao correo escolasantiagocf@gmail.com

Despedimos unha tempada de fútbol chea de éxitos, amizade e moita aprendizaxe

O pavillón de Santa Isabel acolleu esta fin de semana a entrega de medallas e copas do torneo de Liga e Copa de Santiago de fútbol sala. Alí estiveron os nenos da Escola Deportiva Santiago recollendo os seus galardóns. O noso equipo de PB2 realizou unha excelente tempada, proclamándose – entre outras cousas – campión de liga e campión provincial.

Foi este tamén un bo ano para os máis pequenos da Escola, os xogadores do grupo de fútbol sala PB1, que melloraron moito o seu xogo, crecendo día a día como futbolistas pero tamén coma persoas. Ademais, nesta tempada lanzámonos á competición de fútbol 8 e creamos un equipo formado íntegramente por nenas, dous grupos cada vez máis unidos e que acadan mellores resultados.

nenas2

Parte do equipo feminino da Escola Deportiva Santiago xunto cun amigo.

En resumo, foron estes uns meses de moito traballo e esforzo, con momentos malos e momentos bos, pero sobre todo cuns rapaces e rapazas que o deron todo no campo, que aprenderon, fixeron amigos e se divertiron da maneira máis saudable: facendo deporte. Noraboa a todos eles/as!

Queda agora por diante un verán no que disputaremos algúns torneos – coma a III Ames Cup os vindeiros 28 e 29 de xuño – e gozaremos dos nosos Campus de Tecnificación en Fútbol e Baloncesto, dirixidos a nenos e nenas de entre 4 e 12 anos de idade e para os que aínda podes anotar aos teus fillos/as (máis info premendo aquí).

Para rematar, deixámosvos unha imaxe interactiva do equipo de fútbol sala PB2 tras recibir as súas medallas.

Jota Peleteiro, Sheila Fernández e Nuria Rábano gañan os Premios Expert aos futbolistas composteláns máis destacados

A Escola Deportiva Santiago xa ten aos gañadores da segunda edición dos seus premios. Trátase duns galardóns patrocinados por Expert e cos que se pretende poñer en valor o traballo que están a realizar os clubes da delegación santiaguesa da Federación Galega de Fútbol.

Nesta ocasión, os gañadores resultaron ser o xogador do Eibar, Jota Peleteiro, e a porteira do El Olivo, Sheila Fernández. Ambos recibirán o Premio Expert ao futbolista máis destacado da comarca compostelá 2013-14, en categoría masculina e feminina respectivamente. Tamén resultou premiada a cadete do Milladoiro SD Nuria Rábano, Premio Expert ao futbolista con maior proxección da comarca compostelá. A  categoría de mellor adestrador/a da base quedou deserta.

Os tres premiados amosáronse moi “orgullosos” por este recoñecemento. “Estou moi contento de que me elexiran porque cando te premian quere dicir que estás a facer algo ben”, comentou Jota Peleteiro. “Para min supón moito. Non o esperaba!”, destacou Sheila.

Os galardoados serán ademais os padriños dos Campus de Tecnificación en Fútbol e Baloncesto que organiza a Escola Deportiva Santiago este verán, asistirán a unha das quendas para dar consellos aos participantes e recollerán alí os seus premios donados por Expert (máis información sobre o Campus premendo aquí).

Xurado
Un comité de expertos, formado por membros da Federación Galega de Fútbol, da Escola Deportiva Santiago e xornalistas deportivos, é o encargado de escoller cada ano aos gañadores destes premios. Nesta edición este comité estivo formado por Santiago Araújo, presidente da Escola Depotiva Santiago; Xosé Manuel Lobato, secretario da Escola Deportiva Santiago; Enrique Fernández, delegado da Federación Galega de Fútbol en Santiago; e os xornalistas Antonio Bermúdez, José Luis Iglesias (El Correo Gallego), Alberto González (Radiovoz) e Javier Iglesias (Radio Obradoiro).

Na pasada edición os gañadores foron o xogador do Depor Pablo Insua e o adestrador de fútbol base Víctor Santos.

Traxectorias dos gañadores

JOTA PELETEIRO

Premio Expert ao futbolista máis destacado da comarca compostelá 2013/14

Jota Peleteiro (A Pobra do Caramiñal, 1991) iníciase no fútbol na canteira do Xuventude Aguiño, ata que con 14 anos empeza a xogar no Real Club Celta de Vigo. Alí consegue os seus primeiros éxitos como a liga xuvenil ou o subcampionato da Copa de Campións da Liga Xuvenil 2008/2009.

Tras pasar polo Celta B, en 2010  entra a formar parte do primeiro equipo do seu club e debuta en Segunda División. En 2012 é cedido para disputar unha tempada no Castilla CF, primeiro filial do Real Madrid CF.

O pasado verán é cedido de novo á Sociedade Deportiva Eibar, conxunto no que asina unha excelente tempada que culmina o pasado mes de maio co histórico ascenso a Primeira División. Jota foi, ademais, o autor do gol que lle deu ao equipo vasco a victoria ante o Alavés e certificou o pase á máxima categoría do fútbol español.

SHEILA FERNÁNDEZ

Premio Expert á futbolista máis destacada da comarca compostelá 2013/14

Sheila Fernández (Santiago, 1997) comeza a xogar como porteira no S.D. Cacheiras. Na tempada 2012-2013 ficha pola SD Compostela,  equipo co que milita na Segunda División.

As súas boas dotes chaman a atención da Selección Galega, que conta con ela nos seus combinados sub-16 e sub-18. Tamén é convocada pola selección española de fútbol feminino sub-15 e sub-16.

Actualmente milita na Federación Viguesa de Peñas Recreativas El Olivo, equipo vigués de Segunda División que tras rematar esta tempada en primeira posición, disputou a promoción de ascenso aínda que non foi quen de subir a Primeira.

NURIA RÁBANO

Premio Expert ao deportista coa maior proxección da comarca compostelá 2013/14

Nuria Rábano (Santiago, 1999) leva desde os 5 anos no Milladoiro SD, conxunto mixto no que sempre destacou entre tódolos nenos. Con este equipo logrou esta tempada o campionato de liga na categoría cadete de fútbol sala,ademais do campionato provincial e o subcampionato autonómico. En canto ao equipo de fútbol, no que tamén compite, actualmente están a disputar as semifinais da Copa.

Pese a súa corta idade, esta extremo esquerdo xa ten no seu haber diferentes títulos como o Campionato Galego Benxamín coa Selección de Santiago ou o Premio ao Mellor Xogador da Compostela Cup durante dous anos.

Desde os 12 anos xoga coa Selección Galega Sub-16 Feminina. Ten experiencia tamén na Selección Española Sub-16, coa que acudiu a uns adestramentos en xaneiro e gañou o Torneo de Desarrollo da UEFA que se celebrou en Serbia en abril. Nuria foi, ademais, a máxima goleadora, empatada a 5 goles coa súa compañeira Lucía García.

DESCARGA AQUÍ AS BASES DOS PREMIOS: BASES_PREMIOS_EXPERT_

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR