Lamas de Abade

now browsing by tag

 
 

Apunta aos teus nenos e nenas á Escola Deportiva Santiago!

Queres que o teu fillo ou filla xogue ao fútbol na Escola Deportiva Santiago? 
Pasa polos adestramentos que celebramos os luns e mércores no pavillón de de Lamas de Abade de 18:30 a 20:00 horas ou cubre a seguinte folla de inscrición e envíaa por correo electrónico a escolasantiagocf@gmail.com: Inscrición_15-16
Poden xogar connosco nenos de entre 4 e 12 anos de idade e nenas de entre 10 e 12 anos.
Tamén adestramos os martes, de 18:00 a 19:00 horas, no campo de fútbol do Sergas e os venres, de 18:30 a 21:30, no campo de fútbol de Belvís.
Que aprenderán?
Coa Escola Deportiva Santiago os nenos e nenas aprenderán os fundamentos técnicos e tácticos do fútbol, empregando un método de ensinanza que fomenta o esforzo e a diversión por enriba de todo e que trata de formar a partir dos valores do deporte.
Que prezo ten o curso?
Por asistir a 2 días de adestramentos o prezo é de 25 euros mensuais ou 200 euros anuais (175 euros para irmáns e familias numerosas)
Por asistir a 3 días de adestramentos o prezo é de 30 euros mensuais ou 225 euros anuais (200 euros para irmáns e familias numerosas)

Xa podes vir a xogar cos novos equipos de Fútbol Sala e Fútbol 8 da Escola Deportiva Santiago!

Rematamos unha tempada chea de partidos, amizade, superación, esforzo, victorias e derrotas, aprendizaxe… e xa estamos a pensar na seguinte! A Escola Deportiva Santiago vai contar con tres novos equipos federados de Fútbol Sala e Fútbol 8:

  1. Equipo Alevín, para os nados nos anos 2004-2005.
  2. Equipo Benxamín, para os nados nos anos 2006-2007.
  3. Equipo Prebenxamín, para os nados nos anos 2008-2009.

Por iso invitamos a todos os nenos e nenas que queiran formar parte deles a pasar desde a próxima semana e ata o 19 de xuño polos adestramentos que se celebrarán nos seguintes horarios:

  • Alevín e Benxamíns: Martes e Venres de 19:00 a 20:15 horas no campo de fútbol de Belvís.
  • Prebenxamíns: Luns e Mércores de 18:30 a 19:30 horas no pavillón de Lamas de Abade. 

Alí os pais e nais recibirán información detallada sobre o funcionamento da Escola, así como dos próximos Campus deportivos que se celebrarán unha vez rematadas as clases e dos que informaremos próximamente.

Para calquera dúbida, podedes tamén contactar connosco a través do correo electrónico escolasantiagocf@gmail.com ou o teléfono 697 408 573.

a8093846279c1d9d6a21060241e0938f.jpg

Queres xogar coa Escola Deportiva Santiago? Consulta aquí os horarios e prezos dos adestramentos

Arranca unha nova tempada de fútbol en Compostela e na Escola Deportiva Santiago brindamos a oportunidade de poder xogar connosco a todos os nenos e nenas de entre 4 e 12 anos de idade que así o desexen.

Os obxectivos son aprender os fundamentos técnico-tácticos do fútbol, fomentar o esforzo e a diversión como método de aprendizaxe e formar aos pequenos a través dos valores do deporte.

Temos equipos de Fútbol 8 masculino e de Fútbol Sala masculino e feminino. Os adestramentos desenvólvense os luns e mércores de 18:30 a 20:00 horas no pavillón de Lamas de Abade (no Castiñeiriño) e os martes e venres de 19:00 a 20:30 h. no campo de fútbol de Belvís.

A liga prebenxamín xa comezou e necesitamos especialmente nenos nados no ano 2007. 

Prezos

Os pais e nais poden escoller entre levar aos seus fillos/as aos adestramentos un día á semana, dous ou tres. Ademais, hai bolsas de tecnificación e descontos para irmáns e familias numerosas. Estes son os prezos:

  • 1 día: 20 euros/mes – 150 euros/ano – 135 euros/desconto
  • 2 días: 25 euros/mes – 200 euros/ano – 175 euros/desconto
  • 3 días: 30 euros/mes – 225 euros/ano – 200 euros/desconto

Se queres anotar aos teus nenos ou tes algunha dúbida, podes chamar ao teléfono 697 408 573, escribir ao correo electrónico escolasantiagocf@gmail.com ou cubrir o formulario que atoparás premendo neste enlace.

Flyer Captación_2014

Buscamos xogadores para os novos equipos da Escola Deportiva Santiago

Tes fillos/as nados nos anos 2007 ou 2008? Gustaríache que formasen parte dos nosos equipos de fútbol sala ou fútbol8? Queres que melloren como deportistas e tamén como persoas? Se a resposta é si, non perdas a oportunidade de coñecer á Escola Deportiva Santiago.

flyer_escola2014

A nosa entidade busca xogadores para incorporarse aos equipos prebenxamíns cos que competirá a vindeira tempada. Por iso, durante o mes de xuño, invita a todos os nenos e nenas composteláns nados nos anos 2007 ou 2008 a pasar polos adestramentos que se celebrarán no pavillón de Lamas de Abade os luns e mércores de 18:30 a 19:30 horas. O noso profesorado – formado por adestradores con título nacional, psicólogos e licenciados en Educación Física – daravos toda a información que precisedes. Se aínda así, tendes algunha dúbida podedes contactar con nós a través do formulario que atoparedes nesta páxina web, escribindo ao correo electrónico escolasantiagocf@gmail.com ou chamando ao teléfono 697408573.

Os pequenos poderán, ademais, participar coa Escola no torneo de fútbol base III Ames Cup Verán Fútbol 8 que se disputará en Ames os días 28 e 29 de xuño.

Animádeos!! E recordade que tamén podedes seguirnos en Facebook e Twitter.

Queres vir xogar co equipo feminino de fútbol sala da Escola Deportiva Santiago?

Se tes unha filla nada entre os anos 2003 e 2006 á que lle gustaría xogar ao fútbol sala, a Escola Deportiva Santiago está esperando por ela! O noso equipo feminino comezou a competir en 2013 na categoría benxamín e, pasados os primeiros meses de adestramentos, busca novas rapazas que queiran formar parte deste proxecto.

 
As pequenas adestran os luns no pavillón de Lamas de Abade de 6.30 a 7:30 da tarde baixo as ordes de Amanda Plaza. “Para nós é importantísimo que se divirtan e aprendan a xogar ao fútbol a través da atención, a concentración, a motivación e a intensidade nos adestramentos”, explica a adestradora. “O fútbol axúdalles  adquirir valores como o respecto, o compañeirismo, a tolerancia, o afán de superación, o esforzo…”, engade.
 
Se estás interesado en que a túa pequena xogue con nós, podes escribirnos a escolasantiagocf@gmail.com ou chamar ao teléfono 697 408 573, onde se vos dará toda a información que precisedes. 
 
LER MÁIS:
Amanda Plaza: “É importantísimo que as nenas se divirtan e aprendan a xogar ao fútbol a través da atención e a motivación” 

Risos, compañeirismo e moito deporte nos adestramentos de fútbol sala da Escola Deportiva Santiago

Onte pasámonos polo adestramento que teñen os equipos de fútbol sala da Escola Deportiva Santiago os luns ás 18:30 horas no pavillón de Lamas de Abade. Alí atopamos ás nenas que forman o equipo feminino, adestradas por Amanda Plaza, e que nesa xornada contou coa axuda do pequeno Iago. Tamén estaban algúns dos prebenxamíns, que adestran Adrián Cabado e Brais Alonso.

Este é o resumo en fotos do moito que aprenderon e do ben que o pasaron:
Algúns dos xogadores da EDS co adestrador Adrián Cabado.
Antes de comezar, adestradora e xogadoras comparten reflexións.
Tamén os máis pequenos reciben consellos dos adestradores.
As nenas saben que antes de facer exercicio hai que estirar os músculos.
Estes pequenos futbolistas tampouco se esqueceron de quentar.
E por fin comezan co que máis lles gusta: xogar ao fútbol!
Mentres os adestradores lles ensinan o que deben facer.
As raparigas demostraron que nada teñen que envexar aos nenos.
Algúns pais estiveron presentes no adestramento.
E puideron ver o habilidosas que son as nenas co balón.
E como os nenos van aprendendo o valor do traballo en equipo.
Crecendo como deportistas, pero tamén como persoas.
E por último deixámosvos dúas fotografías anteriores aos partidos que xogaron a pasada fin de semana. Non están todos os xogadores e faltan tamén os de Fútbol 8, pero pouco a pouco trataremos de sacalos a todos no noso blog. 
 
Que grandes equipos ten a Escola Deportiva Santiago! Noraboa a todos os futbolistas polo ben que se portan e o moito que se esforzan!
 
 
 
 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR