fútbol sala

now browsing by tag

 
 

E alá vai outra edición do Campus Polideportivo de Semana Santa!

Hoxe rematou o Campus Polideportivo de Semana Santa 2016. Foron tres días estupendos, nos que luciu o sol, e nos que os máis de medio cento de rapaces e rapazas participantes gozaron do deporte en boa compaña.

Os pequechos, de entre 4 e 12 anos de idade, practicaron fútbol, fútbol sala, baloncesto, bádminton, xadrez… así como outros deportes alternativos e exercicios para mellorar a atención. As actividades desenvolvéronse no campo de fútbol de Belvís e no pavillón do colexio Compañía de María de 10:00 a 14:00 horas.

998483_953929614660169_4782313000767078184_n

Este Campus, organizado pola Escola Deportiva Santiago, foi posible gracias á colaboración da Deputación de A Coruña, o Concello de Santiago, o colexio Compañía de María e Gadis. Moitísimas gracias a todos eles! E tamén, moitas gracias a todos os nenos e nenas polo ben que se portaron e aos seus pais e nais por confiar en nós unha vez máis! Un saúdo agarimoso tamén para os monitores que, coma sempre, souberon coidar moi ben aos rapaces e ensinarlles moitos valores e novas técnicas a través do deporte.

Na nosa páxina de Facebook podedes ver máis fotos.

Inscribe aos teus nenos e nenas nun novo e divertido Campus Polideportivo en Santa Isabel

Xa está aberto o prazo de inscrición para unha nova edición do Campus Polideportivo que organiza a Escola Deportiva Santiago, coa colaboración da Deputación de A Coruña, o Concello de Santiago, os colexios Compañía de María e La Salle, e Gadis.

As actividades desenvolveranse os días 2, 3, 4, 7, 8 e 9 de setembro de 10:00 a 14:00 horas no pavillón e campo de fútbol de Santa Isabel. Dirixidas a nenos e nenas de 4 a 14 anos de idade, os pequenos gozarán duns días de deporte e diversión antes da volta ao cole, facilitando aos pais e nais a conciliación da vida familiar e laboral.

Os participantes practicarán fútbol, fútbol sala, baloncesto e deportes alternativos, ademais de exercicios para mellorar a atención.

Inscricións
Os prezos para anotarse a este Campus son de 10 euros por día ou 50 euros polo Campus completo (6 días). Existe ademais un desconto para segundos irmáns, familias numerosas e os que se apunten en grupos de 5 rapaces que pagarán só 40 euros por neno/a. 

Para inscribirse só hai que cubrir o seguinte formulario online e enviar o xustificante de pago ao correo electrónico escolasantiagocf@gmail.com Tamén podedes cubrir, se o preferides, a seguinte ficha en pdf e enviala ao mesmo email: Campus_setembro_2015_Ficha

Para calquera dúbida, podedes chamar ao teléfono 697 408 573.

O R.C. Deportivo da Coruña e o Rácing de San Lorenzo gañan os torneos organizados pola Escola Deportiva Santiago

Esta mañá celebráronse no campo de fútbol e pavillón de Santa Isabel o I Torneo EDS – Belinox de Fútbol Internacional Benxamín e o I Torneo de Fútbol Sala Infantil feminino, organizados pola Escola Deportiva Santiago co apoio das empresas Belinox e Grupo Germania.

No primeiro participaron, mediante un sistema triangular, os equipos da Escola Deportiva Santiago, do R.C. Deportivo de A Coruña e da Escola Hernâni Gonçalves de Oporto, unha das escolas de fútbol máis importantes de Portugal. Os gañadores foron os coruñeses, mentres que os composteláns quedaron segundos e os portugueses, terceiros.

Entre partido e partido, os xogadores, así como pais e nais e demais público asistente, gozaron de diversas master class impartidas por un árbitro do Comité Galego de Árbitros, o corpo técnico do Dépor e o profesor Rui Pacheco da Escola Hernâni Gonçalves.

Paralelamente celebrouse no pavillón o torneo feminino, coa participación dos equipos da Escola Deportiva Santiago, UD Estrada FS e Rácing de San Lorenzo. O vencedor foi este último, seguido polas santiaguesas, segundas; e polas estradenses, terceiras.

Nos descansos o público asistiu a unhas dinámicas sobre a importancia da psicoloxía no deporte e ao obradoiro ‘Ponlle as pilas ao teu bocata’, unha actividade organizada pola Consellería do Medio Rural e do Mar para ensinar aos máis pequenos a comer mellor.

Ademais dos trofeos e medallas a todos os equipos, tamén se entregaron premios aos máis goleadores, aos porteiros que menos goles encaixaron e aos equipos con mellor fair play (xogo limpo).

Galería de imaxes en Facebook. 

Xa podes vir a xogar cos novos equipos de Fútbol Sala e Fútbol 8 da Escola Deportiva Santiago!

Rematamos unha tempada chea de partidos, amizade, superación, esforzo, victorias e derrotas, aprendizaxe… e xa estamos a pensar na seguinte! A Escola Deportiva Santiago vai contar con tres novos equipos federados de Fútbol Sala e Fútbol 8:

  1. Equipo Alevín, para os nados nos anos 2004-2005.
  2. Equipo Benxamín, para os nados nos anos 2006-2007.
  3. Equipo Prebenxamín, para os nados nos anos 2008-2009.

Por iso invitamos a todos os nenos e nenas que queiran formar parte deles a pasar desde a próxima semana e ata o 19 de xuño polos adestramentos que se celebrarán nos seguintes horarios:

  • Alevín e Benxamíns: Martes e Venres de 19:00 a 20:15 horas no campo de fútbol de Belvís.
  • Prebenxamíns: Luns e Mércores de 18:30 a 19:30 horas no pavillón de Lamas de Abade. 

Alí os pais e nais recibirán información detallada sobre o funcionamento da Escola, así como dos próximos Campus deportivos que se celebrarán unha vez rematadas as clases e dos que informaremos próximamente.

Para calquera dúbida, podedes tamén contactar connosco a través do correo electrónico escolasantiagocf@gmail.com ou o teléfono 697 408 573.

a8093846279c1d9d6a21060241e0938f.jpg

Regresa a diversión co Campus Polideportivo de Semana Santa 2015

Xa está aquí unha nova edición do Campus Polideportivo de Semana Santa que organiza a Escola Deportiva Santiago. Os próximos 30 e 31 de marzo e 1 de abril nenos e nenas de entre 4 e 12 anos de idade poderán divertirse e aprender xogando a diferentes modalidades deportivas.

Este Campus, na que colaboran a Deputación de A Coruña, o Concello de Santiago, os colexios Compañía de María e La Salle e as entidades privadas Gadis, Decathlon e Feiraco, desenvolverase en horario de mañá: de 10:00 a 14:00 horas.

O pavillón do colexio Compañía de María e o campo de fútbol de Belvís acollerán as diferentes actividades que inclúen fútbol, fútbol sala, baloncesto, iniciación ao atletismo, deportes alternativos e exercicios para mellorar a atención.

Os prezos por participar son: 10 euros por días soltos ou 24 euros por asistir a todo o Campus. Hai ademais descontos para segundos irmáns e familias numerosas que pagarán só 8 euros por días soltos ou 18 euros polo Campus completo.

As inscricións poden realizarse cubrindo este formulario online.

Queres xogar coa Escola Deportiva Santiago? Consulta aquí os horarios e prezos dos adestramentos

Arranca unha nova tempada de fútbol en Compostela e na Escola Deportiva Santiago brindamos a oportunidade de poder xogar connosco a todos os nenos e nenas de entre 4 e 12 anos de idade que así o desexen.

Os obxectivos son aprender os fundamentos técnico-tácticos do fútbol, fomentar o esforzo e a diversión como método de aprendizaxe e formar aos pequenos a través dos valores do deporte.

Temos equipos de Fútbol 8 masculino e de Fútbol Sala masculino e feminino. Os adestramentos desenvólvense os luns e mércores de 18:30 a 20:00 horas no pavillón de Lamas de Abade (no Castiñeiriño) e os martes e venres de 19:00 a 20:30 h. no campo de fútbol de Belvís.

A liga prebenxamín xa comezou e necesitamos especialmente nenos nados no ano 2007. 

Prezos

Os pais e nais poden escoller entre levar aos seus fillos/as aos adestramentos un día á semana, dous ou tres. Ademais, hai bolsas de tecnificación e descontos para irmáns e familias numerosas. Estes son os prezos:

  • 1 día: 20 euros/mes – 150 euros/ano – 135 euros/desconto
  • 2 días: 25 euros/mes – 200 euros/ano – 175 euros/desconto
  • 3 días: 30 euros/mes – 225 euros/ano – 200 euros/desconto

Se queres anotar aos teus nenos ou tes algunha dúbida, podes chamar ao teléfono 697 408 573, escribir ao correo electrónico escolasantiagocf@gmail.com ou cubrir o formulario que atoparás premendo neste enlace.

Flyer Captación_2014

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR