adestramentos

now browsing by tag

 
 

Xoga ao Fútbol 8 coa Escola Deportiva Santiago

A Escola Deportiva Santiago comeza esta semana cos adestramentos de fútbol 8 no campo de fútbol de Villestro-Roxos. As actividades desenvolveranse os luns e mércores de 18:45 a 20:15 horas. Se tes un fillo ou filla de 5 anos en adiante e queres que tamén xogue connosco, podes escribirnos a escolasantiagocf@gmail.com ou chamar aos teléfonos 697 408 573 ou 607 581 541 e informarémosche de todo!

 Cartel Captacion 2016

Por que as nenas deberían xogar ao fútbol

Cada día son máis as nenas que se animan a xogar ao fútbol, pero todavía hai quen pensa que é unha actividade para homes ou que eles son mellores. Na Escola Deportiva Santiago cremos que é un deporte “moi beneficioso e completo para elas porque favorece tanto o seu desenvolvemento físico como psicolóxico, e aporta uns valores e aprendizaxes imprescindibles na educación das cativas”. Así o afirma Amanda Plaza, adestradora do noso conxunto feminino.

O equipo, integrado só por nenas, compite esta tempada en categoría alevín. Pero como son os adestramentos? Explícao Amanda: “O método que emprego é o que debería desempeñarse con todos os equipos da base. Traballar con nenos/as é unha tarefa que require uns certos coñecementos e unhas certas habilidades. O fútbol é un deporte moi axeitado para reforzar valores como o compañerismo, o respecto, a capacidade de esforzo, asumir responsabilidades, o traballo en equipo, encaixar as frustracións… E por iso a figura do adestrador debe en primeiro lugar observar e coñecer ao seu grupo para poder comezar a traballar con el, e, en segundo lugar, débese crear o clima idóneo para acadar o que nos propuxemos.

Eu persoalmente céntrome en que as nenas sigan as normas: que respecten ás compañeiras, á adestradora, o material e as instalacións nas que adestran. Que presten atención durante as sesións de adestramento para poder poñer en práctica os exercicios plantexados. Que veñan con ganas de aprender e divertirse, pero sabendo que isto implica esforzo e actitude. E doulle moitísima importancia á comunicación, tanto entre adestradora-xogadora, adestradora-pai/nai, e como a que deben ter entre compañeiras. Para que os obxectivos de xogo poidan acadarse creo firmemente que o primeiro é conseguir o que xa citei, pois é a base para que as cousas no campo saian ben.

Na práctica incido moito no básico: coñecer as normas do xogo e saber aplicalas na competición, empregar as dúas pernas tanto para pasar-controlar o balón, como para conducir e tirar… Todo isto a través de actividades nas que as nenas manteñan contacto co balón o maior tempo posible e sempre facendo que reflexionen sobre o que aprenderon con cada exercicio.

Por suposto, dou moita importancia a que as nenas coñezan a súa función no campo, a que saiban tomar as súas propias decisións, teñan claro o que van a facer co balón e por que e que aprendan tanto a gañar como a perder, pois unhas veces gáñase e outras apréndese”.

As xogadoras amosan a mascota do equipo

Cos mascota do equipo

Queres que a túa filla xogue connosco?

O equipo feminino adestra a fútbol sala os luns e mércores de 18:30 a 19:30 horas no pavillón de Lamas de Abade e os venres a fútbol 8 de 19:15 a 20:30 no campo de Belvís. Se tes unha filla de entre 10 e 12 anos de idade e queres que probe este deporte, os nosos adestradores atenderante neses horarios. E se xa estás decido a inscribila, só tes que cubrir este formulario:Folla de inscrición 15-16 e mandalo por correo electrónico a escolasantiagocf@gmail.com

Por asistir a 2 días de adestramentos o prezo é de 25 euros mensuais ou 200 euros anuais (175 euros para irmáns e familias numerosas). Por asistir a 3 días de adestramentos o prezo é de 30 euros mensuais ou 225 euros anuais (200 euros para irmáns e familias numerosas). Se tes algunha dúbida, podes chamar ao teléfono 697 408 573. 

LER MÁIS:

Amanda Plaza: “É importantísimo que as nenas se divirtan e aprendan a xogar ao fútbol a través da atención e a motivación”

Apunta aos teus nenos e nenas á Escola Deportiva Santiago!

Queres que o teu fillo ou filla xogue ao fútbol na Escola Deportiva Santiago? 
Pasa polos adestramentos que celebramos os luns e mércores no pavillón de de Lamas de Abade de 18:30 a 20:00 horas ou cubre a seguinte folla de inscrición e envíaa por correo electrónico a escolasantiagocf@gmail.com: Inscrición_15-16
Poden xogar connosco nenos de entre 4 e 12 anos de idade e nenas de entre 10 e 12 anos.
Tamén adestramos os martes, de 18:00 a 19:00 horas, no campo de fútbol do Sergas e os venres, de 18:30 a 21:30, no campo de fútbol de Belvís.
Que aprenderán?
Coa Escola Deportiva Santiago os nenos e nenas aprenderán os fundamentos técnicos e tácticos do fútbol, empregando un método de ensinanza que fomenta o esforzo e a diversión por enriba de todo e que trata de formar a partir dos valores do deporte.
Que prezo ten o curso?
Por asistir a 2 días de adestramentos o prezo é de 25 euros mensuais ou 200 euros anuais (175 euros para irmáns e familias numerosas)
Por asistir a 3 días de adestramentos o prezo é de 30 euros mensuais ou 225 euros anuais (200 euros para irmáns e familias numerosas)

Adestrar e estudar, incompatibles? Mentira!

Xa estamos en plenas vacacións de verán pero en só dous meses tocará volver ao cole, a estudar e a formarse con distintas actividades extraescolares. E que pasa cos nenos e nenas que teñen máis dificultades cos libros? Deberían deixar, por exemplo, o deporte para centrarse nos seus estudos? A resposta atopámola no blog do adestrador Rafa Martínez Gallego.

Neste artigo que podes ler por completo premendo nesta ligazón asegura que abandonar os adestramentos co obxectivo de acadar un maior rendemento académico é unha gran mentira. Segundo a súa experiencia e de moitos outros compañeiros, a porcentaxe de nenos que melloran na escola tras deixar o deporte é baixísimo. Por que se fai entón? Segundo Martínez a principal razón é utilizalo como castigo. Pero se pregunta: e non sería mellor restrinxirlles outras actividades menos beneficiosas como o abuso da televisión ou dos videoxogos? E é que  o deporte, recorda, fomenta valores como o compromiso, a disciplina ou a responsabilidade.

Ademais, o adestrador apunta a dous estudos científicos que indican que gracias ao deporte os nenos e nenas melloran a súa memoria. Por que? Porque a actividade física favorece a aparición no cerebro dunha proteíña chamada BDNF que está relacionada directamente cos procesos de aprendizaxe. Explícao neste texto.

LER MÁIS:

– De que serve castigar o teu fillo sen adestrar ou xogar un partido? 

O deporte: Modelo de educación en valores se sabemos como facelo

Xa podes vir a xogar cos novos equipos de Fútbol Sala e Fútbol 8 da Escola Deportiva Santiago!

Rematamos unha tempada chea de partidos, amizade, superación, esforzo, victorias e derrotas, aprendizaxe… e xa estamos a pensar na seguinte! A Escola Deportiva Santiago vai contar con tres novos equipos federados de Fútbol Sala e Fútbol 8:

  1. Equipo Alevín, para os nados nos anos 2004-2005.
  2. Equipo Benxamín, para os nados nos anos 2006-2007.
  3. Equipo Prebenxamín, para os nados nos anos 2008-2009.

Por iso invitamos a todos os nenos e nenas que queiran formar parte deles a pasar desde a próxima semana e ata o 19 de xuño polos adestramentos que se celebrarán nos seguintes horarios:

  • Alevín e Benxamíns: Martes e Venres de 19:00 a 20:15 horas no campo de fútbol de Belvís.
  • Prebenxamíns: Luns e Mércores de 18:30 a 19:30 horas no pavillón de Lamas de Abade. 

Alí os pais e nais recibirán información detallada sobre o funcionamento da Escola, así como dos próximos Campus deportivos que se celebrarán unha vez rematadas as clases e dos que informaremos próximamente.

Para calquera dúbida, podedes tamén contactar connosco a través do correo electrónico escolasantiagocf@gmail.com ou o teléfono 697 408 573.

a8093846279c1d9d6a21060241e0938f.jpg

Queres xogar coa Escola Deportiva Santiago? Consulta aquí os horarios e prezos dos adestramentos

Arranca unha nova tempada de fútbol en Compostela e na Escola Deportiva Santiago brindamos a oportunidade de poder xogar connosco a todos os nenos e nenas de entre 4 e 12 anos de idade que así o desexen.

Os obxectivos son aprender os fundamentos técnico-tácticos do fútbol, fomentar o esforzo e a diversión como método de aprendizaxe e formar aos pequenos a través dos valores do deporte.

Temos equipos de Fútbol 8 masculino e de Fútbol Sala masculino e feminino. Os adestramentos desenvólvense os luns e mércores de 18:30 a 20:00 horas no pavillón de Lamas de Abade (no Castiñeiriño) e os martes e venres de 19:00 a 20:30 h. no campo de fútbol de Belvís.

A liga prebenxamín xa comezou e necesitamos especialmente nenos nados no ano 2007. 

Prezos

Os pais e nais poden escoller entre levar aos seus fillos/as aos adestramentos un día á semana, dous ou tres. Ademais, hai bolsas de tecnificación e descontos para irmáns e familias numerosas. Estes son os prezos:

  • 1 día: 20 euros/mes – 150 euros/ano – 135 euros/desconto
  • 2 días: 25 euros/mes – 200 euros/ano – 175 euros/desconto
  • 3 días: 30 euros/mes – 225 euros/ano – 200 euros/desconto

Se queres anotar aos teus nenos ou tes algunha dúbida, podes chamar ao teléfono 697 408 573, escribir ao correo electrónico escolasantiagocf@gmail.com ou cubrir o formulario que atoparás premendo neste enlace.

Flyer Captación_2014

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR