Psicoloxía

now browsing by category

 

Preocupado pola seguridade dos teus fillos/as en Internet?

Se a resposta a esta pregunta é non, deberías preocuparte. E se a resposta é si, tranquilo, temos algúns consellos que darvos.

A principios deste ano naceu ‘Internet Segura for Kids’, o centro de seguridade na Rede para menores de idade en España. Os seus obxectivos son desenvolver campañas de sensibilización e formación, ofrecer unha liña de axuda para asesorar e asistir a menores e reducir a dispoñibilidade de contido criminal en Internet. IS4K está liderado e coordinado pola SESIAD (Secretaría de Estado para la Sociedad de la Información y Agenda Digital), co soporte de Red.es, e executa os seus servizos a través do INCIBE (Instituto Nacional de Ciberseguridad), en colaboración con outras entidades de referencia.

Así, na súa páxina web poderás atopar xogos, materiais didácticos e ferramentas de control parental. E tamén información sobre privacidade, sexting, ciberacoso escolar, grooming… e consellos para saber que facer en caso de que os teus fillos/as teñan algún problema. De entre todos eles, o máis importante é a denuncia. Se os nenos/as sufren algunhas destas situacións débese contactar coas Forzas e Corpos de seguridade. Ademais, o centro de saúde e o seu centro educativo poden ofrecer ao menor apoio psicolóxico e emocional se é necesario.

 

 

É o meu fillo un adicto aos teléfonos móbiles?

Segundo un estudo do hospital Saint Joan de Deu titulado Las nuevas tecnologías en niños y adolescentes, o 91,8% dos menores de entre dez e quince anos navegan por Internet. E a maioría faino a través dos seus smartphones. Así, un 70 % dos nenos de 12 anos, segundo este traballo do hospital catalán, teñen teléfono móbil, un medio que usan máis do 80 % dos adolescentes de 14.

Como debemos enfrontarnos os pais e nais a esta realidade? Varios expertos consultados por La Voz de Galicia nun artigo que podedes ler premendo aquí sinalan que non hai unha idade ideal para dar un móbil aos pequechos. O importante é valorar a madureza dos fillos/as e fixar previamente os usos do dispositivo.

E é que estes días tense falado moito dos problemas que supón a dependencia que moitos menores teñen da tecnoloxía. Chega a derivar incluso nun aumento da violencia de fillos aos seus proxenitores. Pero como saber se o noso fillo/a ten unha adicción ao móbil? Hai varias sinais:

  • Maior interese por xogar co ordenador ou smartphone que ao aire libre
  • Deixa aos seus amigos de sempre por amizades virtuais
  • Aumento da irritabilidade cando non se lle deixa usar a tecnoloxía
  • Menor rendemento académico
  • Alta demanda de produtos tecnolóxicos

Por outro lado, tampouco debemos esquecer que o uso das novas tecnoloxías pode ser moi beneficioso para os nenos e nenas. Premendo aquí podedes ler un artigo sobre algunhas destas ventaxas.

 

Dúas curtas para reflexionar sobre o acoso escolar

Segundo a Unesco, dous de cada dez alumnos sofre acoso escolar no mundo.Trátase dun problema moi grave nas escolas ao que non podemos dar de lado. Para reflexionar sobre el, deixámosvos dúas curtametraxes: unha campaña de Android e unha película de Sergio Barrejón que estivo nominada ao Premio Goya.

Proxecto Iris contra a desigualdade no deporte base, porque #animarnonéberrar

Este xoves 17 de novembro celebrarase #Animarnonéberrar, unha cita na que se quere fomentar a igualdade no deporte de base e loitar contra o racismo e as discriminacións, cun sorriso na cara e de xeito divertido.

Para elo reuniranse no IES Arcebispo Xelmírez I de Santiago os distintos actores que conforman a realidade do deporte de base: deportistas, formadores, autoridades, profesores, alumnos …

Destacados deportistas explicarán a súa experiencia, ao tempo que a actriz Isabel Risco conducirá unha xornada que contará con dúas sesións, a primeira de 10:45 a 11.30 horas; e a segunda, de 11:35 a 12:20 horas.

Está confirmada a presenza da atleta Raquel Suárez Pedrosa; así como a de xogadores do Rio Natura Monbus Obradoiro e o seu speaker,Javier Masaguer.

#Animarnonéberrar enmárcase dentro do Proxecto IRIS, unha iniciativa financiada pola Unión Europea dentro do Programa Erasmus + que, a nivel español, está desenvolvido dende o Grupo de Investigación Stellae da Facultade de Ciencias da Educación da Universidade de Santiago.

O Proxecto IRIS, Recursos de aprendizaxe innovadores para fomentar a igualdade no deporte de base, afrontando incidentes de discriminación, racismo e violencia, conta tamén conta con entidades e universidades doutros países como Grecia, Finlandia, Hungría e Bulgaria.

As persoas interesadas, ben relacionadas coa formación deportiva e centros de ensino ou nais e pais que queiran acudir a algunha das sesións, aínda poden apuntarse, tras consultar coa organización no teléfono 981 569 196 ou no correo electrónico eventos@trevisani.es . A entrada é de balde.

O que fai grande a un deportista son os seus valores

En moitas ocasións falámosvos neste blog dos valores que aprenden os pequechos practicando deporte (podedes lelo premendo aquí, aquí e aquí) tales como compañeirismo, esforzo, traballo en equipo, respecto… Una vez máis queremos incidir nesta cuestión que tanto defendemos na Escola Deportiva Santiago, amosándovos este vídeo da marca de material deportivo arxentina-brasileira Topper. Dádelle ao play! 😉

Así deberían colaborar os pequechos coas tarefas do fogar

Queres que os teus fillos/as axuden coas tarefas do fogar e non sabes como? Ben! En primeiro lugar, estás en bo camiño por pensar que os nenos/as tamén deben colaborar na casa. Os pequechos teñen que ir pouco a pouco asumindo responsabilidades, gañando autonomía… en definitiva, crecendo. Pero cales son as tarefas máis axeitadas segundo a súa idade? Reproducimos neste post a lista publicada recentemente nun artigo de El Mundo que vos recomendamos ler premendo aquí.

  • DE 2 A 3 ANOS: Recoller os xoguetes e gardalos, regar as prantas, empezar a comer sós, vestirse e espirse con axuda, colocar obxectos en repisas…
  • DE 4 A 5 ANOS: Axudar a poñer e quitar a mesa, dar de comer á mascota, gardar os libros na mochila, colocar os cubertos no seu sitio…
  • DE 6 A 7 ANOS: Lavar a cara e peitearse correctamente, preparar a mochila de ximnasia, levar a roupa sucia a lavar, limpar a mesa…
  • DE 8 A 9 ANOS: Facer a cama, preparar o bocadillo do colexio, sacar o lixo, varrer, atar os cordóns dos zapatos, lavar os dentes…
  • DE 10 A 11 ANOS: Limpar e organizar o seu cuarto, facer os deberes sós, encher e poñer o fregapratos ou a lavadora, tender a roupa, ducharse sen axuda…
  • DE 12 A 13 ANOS: Organizar por si mesmos os seus horarios, servir a comida ao resto da familia, facer recados, axudar a vestir e bañar aos seus irmáns, recoller a cociña, lavar o coche…

Neste outro artigo da páxina web solohijos.com tendes algunhas ideas máis. E neste outro do xornal ABC atoparedes algunhas claves para conseguir que os peques colaboren.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR