Escola Deportiva Santiago

now browsing by category

 

Inscricións para o Campus ETC San Mamede 2017 coa Fundación Celta

A Escola Deportiva Santiago, o CD San Mamed e a Fundación Celta organizan un Campus ETC (Ensino Técnico Competicional) do 10 ao 14 de xullo no campo de fútbol de San Mamede. As actividades desenvolveranse de 10:00 a 14:00 horas para nenos e nenas de 4 a 14 anos de idade. Como complemento, organizarase un clinic do Celta de Vigo. Colaboran tamén nesta acción a Deputación de A Coruña e Gadis.

As inscricións poderán facerse de xeito individual ou por equipos, obtendo así importantes descontos. Prezos:

  • Inscrición individual: 90 euros
  • Inscrición en equipos de tres xogadores/as: 80 euros por neno/a
  • Inscrición en equipos de cinco xogadores/as: 65 euros por neno/a
  • Inscrición de dous irmáns: 80 euros por neno/a
  • Inscrición para familias numerosas: 80 euros por neno/a

Ademais, tamén se ofrece un servizo de acollida ás 9:30 horas por 5 euros.

Todos os participantes terá un seguro de accidentes deportivos e unha equipación de agasallo.

Aqueles interesados en anotarse poden facelo a través do seguinte formulario online ou escribindo a escolasantiagocf@gmail.com para recibir a ficha de inscrición en pdf.

Unha vez inscritos, será necesario enviar o xustificante de pago bancario a escolasantiagocf@gmail.com

Para calquera dúbida, poden chamar aos teléfonos 697 408 573 ou 607 581 541

Que facer en Semana Santa cos nenos/as? Divertirse no noso Campus Polideportivo!

Xa temos todo listo para unha nova edición do Campus Polideportivo de Semana Santa! Tres días nos que nenos e nenas – de entre 4 e 12 anos de idade – poderán pasalo ben, facer novos amigos e practicar deportes como fútbol, fútbol sala, baloncesto, atletismo, deportes alternativos… e exercicios para mellorar a atención.

O Campus desenvolverase os días 10, 11 e 12 de abril no pavillón do colexio Compañía de María e no campo de fútbol de Belvís, en horario de 10:00 a 14:00 horas. Os prezos por participar son:

  • 10 euros por día/neno (8 euros para segundos irmáns e familias numerosas)
  • 25 euros polo Campus Completo (20 euros para segundos irmáns e familias numerosas)

Neste campus, organizado pola Escola Deportiva Santiago, colaboran a Deputación de A Coruña, o Concello de Santiago, o colexio Compañía de María e Gadis.

A continuación, podes cubrir o formulario online para reservar praza!

Celia Pía presentou o Himno Oficial da Escola Deportiva Santiago

A Escola Deportiva Santiago xa ten himno oficial! É obra da artista Celia Pía e formará parte a partir de agora de todos os actos que organice a entidade. A letra, que presentou o pasado sábado despois do partido que xogaron pais e nais contra fillos e adestradores, é a seguinte:

SOMOS COMPAÑEIROS

SOMOS MOZOS DEPORTIVOS

SEMPRE GOZAMOS

XOGANDO OS PARTIDOS

SE ME ADESTRO E ME ESFORZO

CADA DÍA APRENDO

E NOS ENCONTROS

DOU TODO O QUE TEÑO

ESCOLA, ESCOLA DE SANTIAGO

ESCOLA, O NOSO EQUIPO É

NON HAI CONTRATEMPOS

QUE AS GANAS DESALENTEN

O APOIO DA AFECCIÓN

CON NÓS ESTÁ PRESENTE

SON VALENTE

XOGAR BEN

É TODO UN ALICIENTE

E O BALÓN

É O MEU REFERENTE

ESCOLA, ESCOLA DE SANTIAGO

ESCOLA, O NOSO EQUIPO É

 

O goleador do Celta B, Borja Iglesias, cos rapaces da Escola Deportiva Santiago

A Escola Deportiva Santiago viviu o pasado sábado toda unha festa no pavillón de Roxos. As actividades comezaron ás 12:30 horas cuns partidos nos que pais e nais xogaron contra nenos e adestradores da nosa entidade (Podedes ver as fotos na nosa páxina de Facebook).

A continuación, tivo lugar a presentación do Himno Oficial da Escola Deportiva Santiago, unha creación da artista Celia Pía, que a partir de agora formará parte de todos os actos do clube.

Pero o prato forte chegou cara o final, cando apareceu no campo o goleador do Celta B, Borja Iglesias, xunto con Álex Abalde, coordinador da Escolas e Campus da Fundación Celta. O xogador compostelán entregou unha camiseta do equipo ao gañador das rifas que vendeu a Escola Deportiva Santiago o pasado Nadal, así como outros agasallos do conxunto vigués. Tamén asinou autógrafos a todos os seus pequenos e pequenas ‘fans’.

E ti, xa colaboraches no proxecto compostelán de loita contra o cancro ‘Biopsia Líquida’ de Oncomet?

Nesta entrada aparcamos os temas sobre deporte e educación que abordamos habitualmente neste blog, para falarvos dunha iniciativa de loita contra o cancro que xa conta co apoio da Escola Deportiva Santiago e na que vos animamos a participar. Trátase da campaña de micromecenado ‘Biopsia Líquida’ de Oncomet.

Tal e como explican na páxina web habilitada para recadar fondos, o obxectivo é lograr 500.000 euros para un proxecto do grupo de Oncoloxía Médica Traslacional, que traballa no Hospital Clínico de Santiago. A súa meta é caracterizar “distintos tumores mediante mostras de sangue (Biopsia Líquida) de pacientes oncolóxicos de Galicia, co obxectivo de estudar a súa evolución e obter información sobre os mecanismos polos que se produce a metástase ou se desenvolven resistencias aos distintos tratamentos”. Deste xeito, esperan atopar marcadores que “proporcionen información sobre o  tratamento que é mellor escoller e en que momento os pacientes deixan de responder ao devandito tratamento”. Tamén buscan marcadores que “permitan diagnosticar a enfermidade en estadios temperáns, cando as opcións de curación dos pacientes son maiores”. Así, os resultados deste estudo servirán para facer “un diagnóstico máis temperán e sinxelo da enfermidade así como para seleccionar o tratamento dos pacientes dun modo máis personalizado e eficaz”.

Podedes atopar máis información sobre o proxecto, os seus responsables, e sobre como colaborar nas seguintes vías:

Cinco días de deporte e diversión no Campus Polideportivo de Nadal 2016

Queres que os teus fillos/as pasen as vacacións de Nadal practicando deporte, divertíndose e facendo novos amigos? A mellor opción tela co Campus Polideportivo de Nadal 2016 que organiza a Escola Deportiva Santiago, en colaboración coa Deputación de A Coruña, o Concello de Santiago, o colexio Compañía de María e Gadis.

As actividades desenvolveranse os días 26, 27, 28, 29 e 30 de decembro – en horario de 10:00 a 14:00 horas – no campo de fútbol de Belvís e no pavillón do colexio Compañía de María. Os nenos e nenas participantes – de entre 4 e 12 anos de idade – poderán practicar deportes como fútbol, fútbol sala, baloncesto, xadrez, deportes alternativos ou exercicios para mellorar a atención.

Os rapaces poden anotarse ao Campus completo por só 45 euros ou a xornadas soltas por 10 euros/día. Hai ademais descontos para os segundos irmáns e as familias numerosas, que pagarán 35 euros polo campus completo ou 8 euros/día se escollen a opción de xornadas soltas.

Para inscribirse, só hai que cubrir o seguinte formulario online e enviar o xustificante de pago a escolasantiagocf@gmail.com Para calquera dúbida, pódese chamar ao teléfono 697 408 573.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR