Archives

now browsing by author

 

Preocupado pola seguridade dos teus fillos/as en Internet?

Se a resposta a esta pregunta é non, deberías preocuparte. E se a resposta é si, tranquilo, temos algúns consellos que darvos.

A principios deste ano naceu ‘Internet Segura for Kids’, o centro de seguridade na Rede para menores de idade en España. Os seus obxectivos son desenvolver campañas de sensibilización e formación, ofrecer unha liña de axuda para asesorar e asistir a menores e reducir a dispoñibilidade de contido criminal en Internet. IS4K está liderado e coordinado pola SESIAD (Secretaría de Estado para la Sociedad de la Información y Agenda Digital), co soporte de Red.es, e executa os seus servizos a través do INCIBE (Instituto Nacional de Ciberseguridad), en colaboración con outras entidades de referencia.

Así, na súa páxina web poderás atopar xogos, materiais didácticos e ferramentas de control parental. E tamén información sobre privacidade, sexting, ciberacoso escolar, grooming… e consellos para saber que facer en caso de que os teus fillos/as teñan algún problema. De entre todos eles, o máis importante é a denuncia. Se os nenos/as sufren algunhas destas situacións débese contactar coas Forzas e Corpos de seguridade. Ademais, o centro de saúde e o seu centro educativo poden ofrecer ao menor apoio psicolóxico e emocional se é necesario.

 

 

O Campo de Fútbol de San Mamede acolle un Campus ETC e un Clinic do RC Celta de Vigo do 10 ao 14 de xullo

A Escola Deportiva Santiago e o Club Deportivo San Mamede organizan do 10 ao 14 de xullo o Campus ETC (Ensino Técnico Competicional) e un Clinic do RC Celta de Vigo no campo de fútbol de San Mamede.

Estas actividades foron presentadas nun acto neste campo de fútbol ao que asistiron Óscar Vilariño, coordinador do Campus; Santiago Araújo, presidente da Escola Deportiva Santiago; Juan Manuel Cernadas, concelleiro de Deportes de Vedra; Carlos Martínez, alcalde de Vedra; Manuel Mallo, presidente do CD San Mamede; e Álex Abalde, coordinador das Escolas e Campus da Fundación Celta.

Este campus diríxese a nenos e nenas de entre os 4 e os 14 anos que vivirán do 10 ao 14 de xullo, de 10:00 a 14:00 horas, unha experiencia diferente arredor do fútbol. Trátase dunha forma dinámica, divertida e pouco habitual de ensinarlle aos máis pequenos conceptos do fútbol.

É a primeira vez que o Campo de Futbol de San Mamede, clube que está a celebrar os seus 50 anos de historia, acolle unha iniciativa deste estilo e ademais propón un precio especial para todos os socios e socias do club que queiran participar.

E así mesmo tamén é a primeira vez que o Real Club Celta de Vigo organiza unha actividade deste tipo no Concello de Vedra.

Inscricións e prezos

Os interesados en asistir a este Campus, no que colaboran a Deputación de A Coruña e Gadis, poden facelo completando o formulario online que atoparán aquí.

Santa Isabel acollerá o II Torneo EDS Memorial Antonio Bermúdez

A Escola Deportiva Santiago organiza, co apoio do Concello de Santiago, o II Torneo de fútbol EDS Memorial Antonio Bermúdez, co que se homenaxeará ao xornalista deportivo compostelán falecido no 2016.

O torneo, que se celebrará o vindeiro 1 de xullo, presentouse esta mañá nunha rolda de prensa no Pazo de Raxoi á que asistiu a concelleira de Deportes, Noa Morales; o presidente da Escola Deportiva Santiago, Santiago Araújo; o director técnico do torneo, Óscar Vilariño; o árbitro Óscar Martínez e o fillo do coñecido locutor homenaxeado, o tamén xornalista Toño Bermúdez.

Comezou a intervención a concelleira Noa Morales, quen destacou o moito que significou para o deporte compostelán e para os equipos da cidade como a SD Compostela, o Santiago Futsal e o Obradoiro a figura de Antonio Bermúdez. Santiago Araújo engadiu que non só apoiaba aos equipos da élite, senón tamén ao deporte base. De aí a idea de organizar este torneo. Pola súa banda, Toño Bermúdez agradeceu o recordo que se lle fai ao seu pai. E, por último, Óscar Vilariño e Óscar Martínez explicaron os aspectos técnicos desta actividade.

II Torneo de fútbol EDS Memorial Antonio Bermúdez

O torneo desenvolverase o sábado 1 de xullo no campo de fútbol de Santa Isabel. A competición comezará ás 09:30 horas e rematará ás 13:00 horas coa entrega de trofeos.

O torneo está destinado ás categorías Prebenxamín, Benxamín e Alevín de Fútbol 8. Este formato enfrontará a catro equipos en forma de semifinais, resultando gañador o vencedor na final. Os equipos participantes son Escola Deportiva Santiago, Villestro, Atlético Fátima, RC Celta de Vigo e unha selección dos nenos que participen no II Campus ETC, que organizamos do 26 ao 30 de xuño.

O obxectivo deste torneo, ademais de fomentar a práctica deportiva, é transmitir entre os máis pequenos e as súas familias unha serie de valores tales como o esforzo, o respecto, o traballo en equipo… Por iso ás 11:30 horas haberá un descanso no que se desenvolverá unha charla con Óscar Martínez, colexiado de 2ª División B, e Rocío Vázquez, psicóloga especializada no ámbito deportivo, que dará unha visión diferente do fútbol base.

En canto ás bases do torneo, será de tipo eliminatoria. Disputarase en partidos de 25 minutos aplicándose a clasificación á final ao vencedor de cada eliminatoria, e a disputa do terceiro posto entre os perdedores de ditas eliminatorias. Á finalización do partido se fose o resultado de empate, realizarase unha serie alternativa de tres penaltis por equipo, para poder determinar o gañador.

Programa

9:00h: Recepción dos equipos no Campo Municipal de Santa Isabel.

9:30-10:00h: ALEVÍN: Partido entre a E.D. Santiago “B´´ – Villestro (SM1 Campo 1) e Partido entre E.D.Santiago – Atl. Fátima (SM2 Campo 2)

10:00-10:30h: BENXAMÍN: Partido entre E.D. Santiago “B´´- R.C. Celta de Vigo (SM1 Campo 1) e Partido E.D. Santiago – Atl. Fátima (SM2 Campo 2)

10:30-11:00h: PREBENXAMÍN: Partido entre a E.D.Santiago “B´´ – Villestro (SM1 Campo 1) e Partido entre E.D.Santiago – Atl. Fátima (SM2 Campo 2.)

11:00-11:30h: Charla con Óscar Martínez e Rocío Vázquez.

11:30-12:00h: ALEVÍN: Partido 3º e 4º posto. Perdedor (SM1) – Perdedor (SM2) no Campo 2 e Final: Vencedor (SM1) – Vencedor (SM2) no Campo 1.

12:00-12:30h: BENXAMÍN: Partido 3º e 4º posto. Perdedor (SM1) – Perdedor (SM2) no campo 2 e Final: Vencedor (SM1) – Vencedor (SM2) no Campo 1.

12:30-13:00h: PREBENXAMÍN: Partido 3º e 4º porto. Perdedor (SM1) – Perdedor (SM2) no Campo 2 e Final: Vencedor (SM1) – Vencedor (SM2) no Campo 1.

13:00h: Entrega de trofeos.

Cambiarías os períodos vacacionais dos teus fillos/as?

Estes días estase a falar moito da posibilidade de cambiar os períodos vacacionais dos escolares. Por un lado, tal e como publican no xornal La Voz de Galicia, UXT propuso fixar as vacacións de primavera sempre nos dez primeiros días de abril, independentemente de cando coincida a Semana Santa. ANPE solicitaba ademais facer lectivos o 22 de decembro e o 22 de xuño, coa fin de equilibrar os trimestres. Sen embargo, tal e como podes ler neste artigo, un desacordo polos horarios impediu debater o calendario escolar. Así, as clases de infantil e primaria comezará o 11 de setembro e en secundaria e bachiller, o día 15. O final de curso será o 21 de xuño.

Pero o vindeiro curso será moi deferente en Cantabria. O seu Goberno autonómico acaba de aprobar a eliminación das vacacións de Semana Santa e Antroido. Tal e como explican en ABC, serán substituidas por dous novos períodos vacacionais: cinco días a finais de febreiro e ortros tantos no mes de maio. Deste xeito, terán cinco bimestres, separados por catro paradas e dous meses de vacacións, xullo e agosto. (podes lelo aquí).

E ti, que opinas? Cambiarías o calendario escolar dos teus fillos/as?

Chega o III Campus ETC e o II Torneo Memorial Antonio Bermúdez

Xa temos todo listo para a próxima edición do III Campus ETC (Ensino Técnico Competicional) que organiza a Escola Deportiva Santiago, en colaboración co Concello de Santiago, a Deputación de A Coruña, o colexio Compañía de María e Gadis.

Este ano o Campus desenvolverase do 26 ao 30 de xuño en horario de 10:00 a 14:00 horas. Ofrecemos dúas posibilidades:

  • Campus de Tecnificación en Fútbol, que se celebrará no campo de fútbol e pavillón de Santa Isabel para nenos e nenas de 4 a 14 anos de idade.
  • Campus de Tecnificación en Baloncesto, que se celebrará no pavillón Lorenzo de la Torre para rapaces e rapazas de 8 a 17 anos de idade.

Actividades complementarias
O sábado 1 de xullo terá lugar no campo de fútbol de Villestro o II Torneo Memorial Antonio Bermúdez, co que homenaxearemos unha vez máis ao coñecido xornalista compostelán falecido o ano pasado. Neste torneo participarán os equipos da Escola Deportiva Santiago, SD Villestro, Atlético Fátima, RC Celta de Vigo e unha selección de xogadores do Campus ETC. Ademais, ofrecerase unha master class sobre regulamento deportivo.

Inscricións
Todos os nenos e nenas que participen no Campus terán un seguro de accidentes deportivos e recibirán unha equipación de agasallo. Pódense inscribir de xeito individual ou por equipos. Estes son os prezos:

  • Prezo por inscrición individual: 90 €
  • Prezo por neno/a para equipo de 3 xogadores/as: 80 €
  • Prezo por neno/a para equipo de 5 xogadores/as: 65 €
  • Prezo para dous irmáns (cada irmán): 80 €
  • Prezo para familias numerosas (cada irmán): 80 €
  • Servizo de acollida ás 9:30 horas: 5 €

Os interesados en apuntarse xa poden facelo cubrindo o seguinte formulario online. Para calquera dúbida, poden dirixirse aos teléfonos 697 408 573 – 607 581 541 ou escribir a escolasantiagocf@gmail.com

Inscricións para o Campus ETC San Mamede 2017 coa Fundación Celta

A Escola Deportiva Santiago, o CD San Mamed e a Fundación Celta organizan un Campus ETC (Ensino Técnico Competicional) do 10 ao 14 de xullo no campo de fútbol de San Mamede. As actividades desenvolveranse de 10:00 a 14:00 horas para nenos e nenas de 4 a 14 anos de idade. Como complemento, organizarase un clinic do Celta de Vigo. Colaboran tamén nesta acción a Deputación de A Coruña e Gadis.

As inscricións poderán facerse de xeito individual ou por equipos, obtendo así importantes descontos. Prezos:

  • Inscrición individual: 90 euros
  • Inscrición en equipos de tres xogadores/as: 80 euros por neno/a
  • Inscrición en equipos de cinco xogadores/as: 65 euros por neno/a
  • Inscrición de dous irmáns: 80 euros por neno/a
  • Inscrición para familias numerosas: 80 euros por neno/a

Ademais, tamén se ofrece un servizo de acollida ás 9:30 horas por 5 euros.

Todos os participantes terá un seguro de accidentes deportivos e unha equipación de agasallo.

Aqueles interesados en anotarse poden facelo a través do seguinte formulario online ou escribindo a escolasantiagocf@gmail.com para recibir a ficha de inscrición en pdf.

Unha vez inscritos, será necesario enviar o xustificante de pago bancario a escolasantiagocf@gmail.com

Para calquera dúbida, poden chamar aos teléfonos 697 408 573 ou 607 581 541

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR